ଭୁବନେଶ୍ୱର ଲୋକସଭା ଆସନରେ ବିଜେପି ପ୍ରାର୍ଥୀ ଅପରାଜିତା ଷଡ଼ଙ୍ଗୀ ବିଜୟୀ ହେଲେ, ୩୫, ୧୫୨ ଭୋଟରେ ବିଜେଡି ପ୍ରାର୍ଥୀ ମନ୍ମଥ ରାଉତରାୟଙ୍କୁ ହରାଇଲେ ଅପରାଜିତା।ମନ୍ମଥ ୪ ଲକ୍ଷ ୭୭ ହଜାର ୩୬୭ ଭୋଟ ପାଇଥିବା ବେଳେ ଅପରାଜିତା ୫ ଲକ୍ଷ ୧୨ ହଜାର ୫୧୯ ଖଣ୍ଡ ଭୋଟ ପାଇଛନ୍ତି ।
ଏହି ଲୋକସଭା ଆସନରୁ ୨୦୧୯ରୁ ଅପରାଜିତା ପ୍ରଥମଥର ଜିତିଥିଲେ । ଏବେ ପୁଣି ଲଗାତାର ଦ୍ୱିତୀୟ ଥର ବିଜୟୀ ହୋଇଛନ୍ତି । ଓଡିଶା ଲୋକସଭାରେ ବିଜେପି ୧୯ ସିଟରେ ଆଗୁଆ ରହିଥିବା ବେଳେ ବିଜେଡି ୧ ଓ କଂଗ୍ରେସ ୧ରେ ଆଗୁଆ ରହିଛନ୍ତି।
ସେହିପରି ବରଗଡ଼ ଲୋକସଭା ଆସନରେ ବିଜେପି ପ୍ରାର୍ଥୀ ପ୍ରଦୀପ ପୁରୋହିତ ବିଜୟୀ ହୋଇଛନ୍ତି, ବିଜେଡିର ପରିଣୀତା ମିଶ୍ରଙ୍କୁ ୨, ୫୧, ୬୬୭ ଭୋଟରେ ହରାଇଲେ। ଏହାସହ କେନ୍ଦ୍ରାପଡ଼ାରେ ବିଜେପି ପ୍ରାର୍ଥୀ ବୈଜୟନ୍ତ ପଣ୍ଡା, ବ୍ରହ୍ମପୁରରୁ ପ୍ରଦୀପ ପାଣିଗ୍ରାହୀ, କଟକରୁ ଭର୍ତ୍ତୁହରି ମହତାବ, ପୁରୀରୁ ସମ୍ବିତ ପାତ୍ର, ବାଲେଶ୍ବରରୁ ପ୍ରତାପ ଷଡ଼ଙ୍ଗୀ, ସୁନ୍ଦରଗଡ଼ରୁ ଜୁଏଲ ଓରାମ ମଧ୍ୟ ବିପୁଳ ବିଜୟ ହାସଲ କରିଛନ୍ତି।
Please follow and like us:
