ରାଜ୍ୟରେ ଚତୁର୍ଥ ପର୍ଯ୍ୟାୟ ନିର୍ବାଚନ ଚାଲିଥିବା ବେଳେ ଦେଖିବାକୁ ମିଳିଛି ଅଘଟଣ। ଡ୍ୟୁଟି ବେଳେ BLOଙ୍କ ମୃତ୍ୟୁ ହୋଇଥିବା ବେଳେ ଭୋଟ ଦେବାକୁ ଆସି ଜଣେ ବୃଦ୍ଧାଙ୍କ ଜୀବନ ଯାଇଛି। ଯାଜପୁର ଜିଲ୍ଲା ବିଞ୍ଝାରପୁର ଫତେପୁରର ୧୫୭ ବୁଥରେ କାର୍ଯ୍ୟରତ BLO ମନୋରଞ୍ଜନ ସାହୁଙ୍କ ଆକସ୍ମିକ ମୃତ୍ୟୁ ହୋଇଥିବା ଜଣା ପଡିଛି। ଛାତିରେ ଯନ୍ତ୍ରଣା ପରେ ବିଞ୍ଝାରପୁର ମେଡିକାଲରେ ଭର୍ତ୍ତି ହୋଇଥିଲେ ମନୋରଞ୍ଜନ। ତେବେ ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ। ସେହିପରି ନୀଳଗିରି ନିର୍ବାଚନମଣ୍ଡଳୀ ଈଶ୍ୱରପୁର ପଂଚାୟତର ୧୫୯ ନଂ ବୁଥରେ ଭୋଟ ଦେବାକୁ ଆସି ଟଳି ପଡିଲେ ବୃଦ୍ଧା। ବୁଥ ଭିତରେ ୭୭ ବର୍ଷୀୟ ବୃଦ୍ଧା ଜଣଙ୍କ ହଠାତ୍ ଟଳି ପଡ଼ିଥିବା ବେଳେ ତାଙ୍କୁ ସେଠାରୁ ଈଶ୍ୱରପୁର ମେଡିକାଲ ନିଆଯାଇଥିଲା। ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ। ଘଟଣାଟି ସାର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ଖରାଗରମ ପାଇଁ ତାଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି।
Please follow and like us:
