ଶ୍ରୀନଗରର ଝେଲମ ନଦୀରେ ଡ଼ଙ୍ଗାବୁଡି ୪ ଜଣଙ୍କର ମୃତ୍ୟୁ ଘଟିଛି। ନଦୀ ମଧ୍ୟରେ ଗୋଟିଏ ଡଙ୍ଗା ୧୦ରୁ ୧୨ ଜଣ ସ୍କୁଲ ପିଲାଙ୍କ ସମେତ ଅନେକ ଯାତ୍ରୀଙ୍କୁ ନେଇ ଯାଉଥିବା ବେଳେ ଓଲଟି ପଡ଼ିବାରୁ ଏପରି ଘଟିଛି।ସହରର ବାଟୱାରା ଗଣ୍ଡାବାଲ ଅଞ୍ଚଳର ସ୍ଥାନୀୟ ଲୋକମାନେ ଇଣ୍ଡିଆ ଟୁଡେ ଟିଭିକୁ କହିଛନ୍ତି ଯେ ଡଙ୍ଗାଟି ସକାଳେ ନଦୀ ଭିତରେ ଓଲଟି ପଡ଼ିବାକୁ ଏପରି ଘଟିଛି।ଏହି ଦୁର୍ଘଟଣା ପରେ ଡଙ୍ଗାରେ ବସିଥିଲା ଲୋକମାନଙ୍କ ମଧ୍ୟରୁ ଆହତମାନଙ୍କୁ ତୁରନ୍ତ ହସ୍ପିଟାଲ୍କୁ ନିଆଯାଇଥିଲା। ଶ୍ରୀନଗରର ଏସଏମଏଚଏସ ହସ୍ପିଟାଲର ମେଡିକାଲ ଅଧୀକ୍ଷକ ମୁଜାଫର ଜାରଗର କହିଛନ୍ତି ଯେ ୭ ଜଣଙ୍କୁ ଡାକ୍ତରଖାନା ଅଣାଯାଇଥିଲା, ସେଥିମଧ୍ୟରୁ ଚାରିଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ତିନିଜଣ ଚିକିତ୍ସିତ ହେଉଛନ୍ତି।ଜମ୍ମୁ କଶ୍ମୀର ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ଅନୁଯାୟୀ, ବର୍ତ୍ତମାନ ଚାଲିଥିବା ଉଦ୍ଧାର କାର୍ଯ୍ୟ ପାଇଁ ଏକ ରାଜ୍ୟ ବିପର୍ଯ୍ୟୟ ମୁକାବିଲା ଟିମ୍କୁ ନିୟୋଜିତ କରାଯାଇଛି।
Please follow and like us:
