ସକାଳୁ ସକାଳୁ ବଡ ଅଘଟଣ। ଆଜି ସକାଳେ ହରିୟାଣାର ନର୍ନାଉଲରେ ଘଟିଛି ଏକ ଅଭାବନୀୟ ଘଟଣା। ସ୍କୁଲ୍ ବସଟି ଦୁଘର୍ଟଣାର ଗ୍ରସ୍ତ ହେବା ସହ ଅନେକଙ୍କ ଜୀବନ ଯାଇଛି। ଖବର ଅନୁଯାୟୀ ସ୍କୁଲ୍ ପିଲାଙ୍କୁ ନେଇ ଯାଉଥିବା ବସ୍ଟି ଓଲଟି ପଡ଼ିବାରୁ ୬ ଜଣଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାରେ ଆହୁରି ଅନେକ ଆହତ ହୋଇଥିବା ଜଣା ପଡିଛି । ସମସ୍ତ ଆହାତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଇଦ୍-ଉଲ୍-ଫିତର ପାଇଁ ଚାରିଆଡ଼େ ଛୁଟି ଥିବା ବେଳେ ସେହି ସ୍କୁଲ୍ଟି କିନ୍ତୁ ଖୋଲା ଥିଲା।ଜିଏଲ୍ ପବ୍ଲିକ୍ ସ୍କୁଲର ବସ୍ କାନିନାର ଉହାନି ଗ୍ରାମ ନିକଟରେ ଓଲଟି ପଡିଥିଲା। ଜିଲ୍ଲା ଶିକ୍ଷା ଅଧିକାରୀ କହିଛନ୍ତି ଯେ ପ୍ରାଥମିକ ଅନୁସନ୍ଧାନ ପରେ ଜଣାପଡୁଛି ଯେ ବସ୍ ଡ୍ରାଇଭର ମଦ୍ୟପାନ କରି ଗାଡିଟିକୁ ଏକ ଗଛରେ ପିଟି ଦେଇଥିଲେ। ସରକାରୀ ଦଲିଲଗୁଡିକ ଦର୍ଶାଉଛି ଯେ ବସର ଫିଟନେସ୍ ସାର୍ଟିଫିକେଟ୍ ଛଅ ବର୍ଷ ପୂର୍ବେ ୨୦୧୮ ତାରିଖରେ ଶେଷ ହୋଇଯାଇଥିଲା।
Please follow and like us:
