ବିହାରରେ ପୁଣି ଭୁଶୁଡ଼ିଲା ପୋଲ। ୧୫ ଦିନ ମଧ୍ୟରେ ଭାଙ୍ଗିଲା ୬ଟି ପୋଲ। ସିୱାନରେ ବୁଧବାର ଆଉ ଏକ ସେତୁ ଭୁଷୁଡି ପଡିବା ଜଣା ପଡ଼ିଛି। ମହାରାଜଗଞ୍ଜ ସବ୍ଡିଭିଜନ୍ ଅନ୍ତର୍ଗତ ପଟେଢା ଓ ଦେଓରିଆ ଗାଁ ମଧ୍ୟରେ ଗଣ୍ଡକ ନଦୀ ଉପରେ ନିର୍ମିତ ୩୫ ବର୍ଷ ପୁରୁଣା ପୋଲର ଗୋଟିଏ ପିଲାର ପ୍ରଥମେ ଦବିଯାଇଥିଲା। ଏହାପରେ ସମ୍ପୂର୍ଣ୍ଣ ପୋଲ ଗଣ୍ଡକ ନଦୀରେ ଲୀନ ହୋଇଯାଇଥିବା ଜଣା ପଡ଼ିଛି। ଦୁର୍ଘଟଣା ପରେ ଅନେକ ଗାଁ ମଧ୍ୟରେ ଯାତାୟତ ବ୍ୟାହତ ହୋଇଛି। ତେବେ ଏଥିରେ ଧନ ଜୀବନ କ୍ଷୟ କ୍ଷତି ନେଇ କୌଣସି ସୂଚନା ମିଳିନାହିଁ। ପୋଲ ଭୁଷୁଡିବା ନେଇ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ଲୋକେ ପୋଲ ନିର୍ମାଣ କାର୍ଯ୍ୟ ଉପରେ ପ୍ରଶ୍ନ ଉଠାଇଛନ୍ତି। ଲୋକଙ୍କ କହିବା କଥା, ଏହି ସେତୁ ୩୫ ବର୍ଷ ପୁରୁଣା। ହଜାର ହଜାର ଲୋକଙ୍କ ପାଇଁ ଏହା ଯାତାୟତର ଏକମାତ୍ର ମାଧ୍ୟମ ଥିଲା। ଯାହା ବର୍ତ୍ତମାନ ସଂପୂର୍ଣ୍ଣ ଭାଙ୍ଗି ଯାଇଛି। ସୌଭାଗ୍ୟବଶତଃ ଏହି ଦୁର୍ଘଟଣାରେ କୌଣସି ଧନଜୀବନ ନଷ୍ଟ ହୋଇନାହିଁ ବୋଲି କୁହାଯାଉଛି।
Please follow and like us:
