ବାଙ୍କୀରେ ବିଜେଡି ପ୍ରାର୍ଥୀ ଦେବୀରଞ୍ଜନ ତ୍ରିପାଠୀ ବିଜୟୀ । ବିଜେପି ପ୍ରାର୍ଥୀଙ୍କୁ ପରାଜିତ କଲେ ଦେବୀରଞ୍ଜନ । ଭୁବନେଶ୍ୱର ମଧ୍ୟରୁ ବିଜେଡି ପ୍ରାର୍ଥୀ ଅନନ୍ତ ଜେନା ବିଜୟୀ। ମାତ୍ର ୧୨୨ ଖଣ୍ଡ ଭୋଟରେ ଅନନ୍ତ ଜେନା ବିଜୟୀ ହୋଇଥିବା ସୂଚନା । ପୋଷ୍ଟାଲ୍ ବାଲାଟ୍ ପୁନଃ ଗଣତି ପରେ ଅନନ୍ତ ଜେନା ବିଜୟୀ ସୂଚନା । ସେହିପରି କୁଚିଣ୍ଡାରେ ବିଜେପି ପ୍ରାର୍ଥୀ ରବିନାରାୟଣ ନାୟକ ବିଜୟୀ । ବିଜେଡି ପ୍ରାର୍ଥୀ ରାଜେନ୍ଦ୍ର କୁମାର ଛତ୍ରିଆଙ୍କ ଠାରୁ ୩୦ ହଜାରରୁ ଅଧିକ ଭୋଟରେ ବିଜୟୀ । ରଘୁନାଥପାଲ୍ଲୀରୁ ବିଜେପି ପ୍ରାର୍ଥୀ ଦୁର୍ଗା ତନ୍ତୀ ୩୦ ହଜାରରୁ ଅଧିକ ଭୋଟରେ ବିଜୟୀ ହୋଇଥିବା ସୂଚନା।ବ୍ରଜରାଜନଗରରୁ ବିଜୟୀ ହେଲେ ବିଜେପିର ସୁରେଶ ପୂଜାରୀ।
ଦଶପଲ୍ଲା ବିଧାନସଭା ଆସନରେ ବିଜେଡି ପ୍ରାର୍ଥୀ ରମେଶ ବେହେରା ବିଜୟୀ। ବରୀ ବିଧାନସଭା ଆସନରେ ବିଜେଡି ପ୍ରାର୍ଥୀ ବିଶ୍ବରଞ୍ଜନ ମଲ୍ଲିକ ବିଜୟୀ ହୋଇଥିବା ସୂଚନା। ଆଳିରୁ ବିଜେଡି ପ୍ରାର୍ଥୀ ପ୍ରତାପ କେଶରୀ ଦେବ ବିଜୟୀ। ୧୯ ହଜାର ୫୫୪ ଖଣ୍ଡ ଭୋଟରେ ପ୍ରତାପ ଦେବ ବିଜୟୀ ହୋଇଥିବା ସୂଚନା। ସେହିପରି ମାଲକାନଗିର ଚିତ୍ରକୋଣ୍ଡାରେ କଂଗ୍ରେସ ପ୍ରାର୍ଥୀ ମଙ୍ଗୁ ଖିଲ ବିଜୟୀ।ବିଜେଡିର ଲକ୍ଷ୍ମୀପ୍ରିୟା ନାୟକ ଓ ବିଜେପିର ଡମ୍ବରୁ ସିସାଙ୍କୁ ପରାସ୍ତ କଲେ ମଙ୍ଗୁ ଖିଲ।
