କିର୍ଗିସ୍ତାନରେ ବିଦେଶୀ ଛାତ୍ରଛାତୀଙ୍କ ଉପରେ କରାଯାଉଛି ଆକ୍ରମଣ । ଭାରତ, ପାକିସ୍ତାନ ଏବଂ ବାଲାଂଦେଶର ଛାତ୍ରଛାତ୍ରୀଙ୍କ ଉପରେ ହେଉଛି ଲଗାତାର ଆକ୍ରମଣ । ମେଡିକାଲ ଛାତ୍ରଛାତ୍ରୀଙ୍କୁ ଆକ୍ରମଣ ହେଉଥିବାବେଳେ ସ୍ଥାନୀୟ ଛାତ୍ରଛାତ୍ରୀ ଏବଂ ଲୋକେ ବାରମ୍ବାର ହଷ୍ଟଲରେ ଆକ୍ରମଣ କରୁଛନ୍ତି । ସେପଟେ ୪ ଜଣ ପାକିସ୍ତାନୀ ଛାତ୍ରଙ୍କ ମୃତ୍ୟୁ ହୋଇଥିବା ମଧ୍ୟ ସୂଚନା ମିଳିଛି। କିର୍ଗିସ୍ତାନର ରାଜଧାନୀ ବିସକେକରେ ଏବେ ସାଙ୍ଘାତିକ ସ୍ଥିତି ଉପୁଜିଛି । ପୋଲିସ ଉପସ୍ଥିତିରେ ମଧ୍ୟ ଆକ୍ରମଣ କରାଯାଉଛି । ଭାରତୀୟ ଛାତ୍ରଙ୍କୁ ଘରୁ ବାହାରିବାକୁ ବାରଣ କରାଯାଇଛି।
ଖବର ଅନୁଯାୟୀ, ଇଜିପ୍ଟର ଛାତ୍ରୀମାନଙ୍କୁ ନିର୍ଯାତନା ଦିଆଯାଇଥିଲା । ମେ ୧୩ ତାରିଖରେ ଏହି ଘଟଣା ଘଟିଥିବାବେଳେ ଇଜିପ୍ଟର ଛାତ୍ରମାନେ ସ୍ଥାନୀୟ ଛାତ୍ରଙ୍କ ସହ ଝଗଡ଼ା କରିଥିଲେ । ଏହାପରେ ଉଗ୍ରରୂପ ନେଇଥିବାବେଳେ ବିଦେଶୀ ଛାତ୍ରଙ୍କ ଉପରେ ଆକ୍ରମଣ କରିଥିଲେ କିର୍ଗିସ୍ତାନର ଲୋକେ ଏବଂ ଛାତ୍ର । ତେବେ ୪ ଜଣ ପାକିସ୍ତାନୀ ଛାତ୍ରଙ୍କ ମୃତ୍ୟୁ ହୋଇଥିବା ଖବର ମିଳିଥିବାବେଳେ ଭାରତୀୟ ଛାତ୍ରମାନେ ହଷ୍ଟେଲରେ ରହିବାକୁ ବୈଦେଶିକ ମନ୍ତ୍ରୀ ସୂଚନା ଦେଇଛନ୍ତି।
