ଆଜି ରାଜ୍ୟରେ ପ୍ରଥମ ପର୍ଯ୍ୟାୟ ଭୋଟ ପଡୁଛି। ୪ ଲୋକସଭା ସହ ୨୮ ବିଧାନସଭା ଆସନ ପାଇଁ ମତଦାନ ହେଉଛି। ନେତାରୁ ଜନତା ଭୋଟ ଦେଉଛନ୍ତି ଏହି ନିର୍ବାଚନ ମଣ୍ଡଳୀରେ। ଏହି ଧାରାରେ କୋରାପୁଟ ବିଧାୟକ ରଘୁରାମ ପଡାଲ ମତଦାନ କରିଛନ୍ତି। ସେମିଳିଗୁଡା ମୁନିସିପାଲିଟି ଅଧୂନ ତଳଗାଦବା ସାହିର ଅପର୍ ପ୍ରାଇମେରୀ ସ୍କୁଲ୍ ସ୍ଥିତ ବୁଥରେ ସେ ଭୋଟ ଦେଇଛନ୍ତି। ପ୍ରକାଶ ଥାଉ ଯେ, ସେ କୋରାପୁଟ ଆସନରେ ବିଜେଡ଼ି ପ୍ରାର୍ଥୀ ହୋଇଛନ୍ତି। ଆଜି କୋରାପୁଟ ଲୋକସଭା ଓ ଜିଲ୍ଲାର ୫ ଟି ବିଧାନସଭା ଆସନରେ ମତଦାନ ଚାଲିଛି। ବିଭିନ୍ନ ବୁଥରେ ପ୍ରାୟ ଅଧଘଣ୍ଟା ବିଳମ୍ବରେ ମତଦାନ ଆରମ୍ଭ ହୋଇଛି। ଇଭିଏମ ପରିଚାଳନାରେ ତ୍ରୁଟି ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଥିଲା। ସମଗ୍ର ଜିଲ୍ଲା ସମେତ ରେଞ୍ଜରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
Please follow and like us:
