ଆଜି ଦେଶରେ ଚତୁର୍ଥ ପର୍ଯ୍ୟାୟ ଓ ଓଡ଼ିଶାରେ ପ୍ରଥମ ପର୍ଯ୍ୟାୟ ମତଦାନ ଆରମ୍ଭ ହୋଇଛି। ଦେଶରେ ୯୬ଟି ସଂସଦୀୟ କ୍ଷେତ୍ର ପାଇଁ ମତଦାନ ହେଉଛି। ଗ୍ରୀଷ୍ମ ପ୍ରବାହ ଦୃଷ୍ଟିରୁ ଆଗୁଆ ମତଦାନ ହେଉଛି। ସେହିପରି ଆଜି ଭୋଟ ଦେଉଛି ଓଡ଼ିଶା, ସୁରୁଖୁରୁରେ ନିର୍ବାଚନ ପାଇଁ କଡ଼ା ସୁରକ୍ଷା ବ୍ୟବସ୍ଥା ହୋଇଛି।ସଜାଗ ଅଛନ୍ତି ୧୧୦ ଫ୍ଲାଇଂ ସ୍କ୍ବାର୍ଡ।୧୭ ହଜାର ପୋଲିସ ମୁତୟନ ହୋଇଛନ୍ତି, ୧୩୯ ଅପରେସନ ପାର୍ଟି ନିୟୋଜିତ ହୋଇଛନ୍ତି, ସୀମାବର୍ତ୍ତୀ ଜିଲ୍ଲାରେ ଚେକିଂ କଡ଼ାକଡ଼ି ଚାଲିଛି। ଓଡ଼ିଶାରେ ୪ ଲୋକସଭା ଓ ୨୮ ଆସନ ପାଇଁ ମତଦାନ ହେଉଛି।ବ୍ରହ୍ମପୁର, କଳାହାଣ୍ଡି, ନବରଙ୍ଗପୁର ଓ କୋରାପୁଟରେ ଭୋଟ୍ ଦିଆ ହେଉଛି। ଆଜି ନିର୍ଦ୍ଧାରଣ ହେବ ୨୮୦ ପ୍ରାର୍ଥୀଙ୍କ ଭାଗ୍ୟ, ଭାଗ୍ୟ ନିର୍ଦ୍ଧାରଣ କରିବେ ୬୨ ଲକ୍ଷ ୮୭ ହଜାର ଭୋଟର। ୭ ହଜାର ୩୦୩ ବୁଥ୍ରେ ସକାଳ ୭ଟାରୁ ମତଦାନ ଆରମ୍ଭ ହୋଇଛି। ତେବେ ବହୁ ସଂଖ୍ୟାରେ ଭୋଟ ଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅପିଲ କରିଛନ୍ତି।
Please follow and like us:
